இரண்டு புளிப்பான ஆப்பிள் செய்திகள்

உங்களுக்கு நினைவிருக்கிறதா எனத் தெரியவில்லை ஆப்பிள் நிறுவனத்தின் வங்கிக் கணக்கில் இருக்கும் பணத்தை வைத்துக் கொண்டு அந்த நிறுவனம் இன்னும் 20 ஆண்டுகளுக்கு எந்தப் பிரச்னையும் இல்லாமல் வண்டி ஓட்டலாம். ஆனாலும் புதிய தயாரிப்புகளை வெளியிட்டு வருமானம் ஈட்டுவதை செய்து வருகிறது. ஆனால் தற்போது நடப்பவைகளைப் பார்த்தல் இந்த நிறுவனம் தள்ளாட்டம் காணும் வாய்ப்பு இருப்பதாகவே தோன்றுகிறது.

Pebble Watch (Not an iWatch)

1. ஐ-வாட்ச் எனும் புதிய கை கடிகாரத்தை அறிமுகம் செய்துள்ளது ஆப்பிள். ஐ போனில் உள்ள அனேக வசதிகளையும் கொண்ட இந்த வாட்ச் சுமார் 40 வித மாடல்களில் வெளிவந்துள்ளது. நீங்கள் விரும்பினால் தங்க வாட்ச் செய்தும் தர இருக்கிறது ஆப்பிள்.

பிரச்னை என்னவென்றால் இதன் சிறப்பம்சங்கள் ஐ போன் இருந்தால் மட்டுமே வேலை செய்யும். இதன் விலையோ மிக அதிகமாக உள்ளது (வழக்கம் போல).
Pebble எனும் நிறுவனம் அருமையான ஸ்மார்ட் கை கடிகாரங்களை அறிமுகம் செய்து அமெரிக்காவில் வெற்றியடைந்தது. அதைப் பார்த்து தற்போது அதிக விலையில் குறைந்த வசதிகளுடன் அறிமுகம் செய்துள்ளது ஆப்பிள்.

2. USB-C எனும் புதியரக USB Portஐ தான் புதிதாக அறிமுகம் செய்துள்ள mac air மடிக்கணினியில் பொருத்தியுள்ளது அப்பிள். அதுவும் ஒரே ஒரு போர்ட் மட்டுமே இந்த மடிக்கணினியில் இருக்கும். பொதுவாக பேட்டரியை சார்ஜ் செய்ய தனியாக ஒரு power port இருக்கும். ஆனால் இந்த USB-C வகை port மற்ற போர்ட்களைப் போல் செவ்வகமாக இல்லாமல் நீள் வட்டம் போல இருக்கும்., இதனால் ஏற்கனவே உள்ள எந்தவொரு USB சாதனத்தையும் நாம் பயன்படுத்த முடியாது. மடிக்கணினி சார்ஜ் செய்யும் போது இருக்கும் ஒரே ஒரு USB-C போர்ட் பயன்பாட்டில் இருக்கும் உங்களால் உங்கள் ஐ போனைக் கூட இந்த மடிக்கணினியில் சொருக இயலாது.
   

ஆப்பிளில் வேலை செய்யும் R&D ஊழியர்களுக்கு என்னாச்சு என தீவிர ஆப்பிள் விசிறிகளே இணையத்தில் குமுறிக்கொண்டு இருக்கிறார்கள்.

SpiderFab

Although SpiderFab is reminiscent of a creepy Halloween spider, this space technology could radically change the way we build and deploy spacecraft. The SpiderFab process for on-orbit construction of large, lightweight structures could dramatically reduce the launch mass and stowed volume of NASA systems for astronomy, Earth-observation, and other missions requiring large apertures or large baselines, enabling them to be deployed using much smaller, less expensive launch vehicles and thereby reducing total life cycle cost for these missions. This Phase II NASA Innovative Advanced Concepts (NIAC)-funded research is developing and demonstrating methods to address the key risk of fabrication in the thermal and vacuum environment of space.

மைக்ரோசாப்ட் மற்றும் கூகுளுக்கு எங்கு அடித்தால் வலிக்கும் எனத் தெரிந்து அடிக்கும் ஆப்பிள்

இது எப்படி என்றால், ஒரு  வாடிக்கையாளர் உங்கள் கடைக்கு வந்து அரிசி வாங்கிச் செல்கிறார், அப்படியே பக்கத்துக்கு பால் பண்ணைக்கு சென்று பால் வாங்கிச் செல்கிறார். திடீரென பால் பண்ணையில் இட்லி மாவும் சேர்த்து விற்கிறார்கள். இது உங்களின் அரிசி விற்பனையை பாதிக்கும் , உடனே நீங்கள் தயிர் பாக்கெட்டும் சேர்த்து விற்கிறீர்கள். இது அவர்களின் பால் விற்பனையை பாதிக்கும்.

இதே போட்டி தான் தற்போது தொழில்நுட்ப நிறுவங்களுக்கு இடையே நிலவுகிறது.

தனி நபர்களுக்கும் , வணிக நிறுவனங்களுக்கும் தனது தயாரிப்புகளை விற்று வரும் போட்டியாளர்களான மைக்ரோசாப்ட் , கூகள், ஆப்பிள் ஆகிய மூன்று நிறுவனங்களும்  தனது போட்டி நிறுவனத்தின் முதன்மை தயாரிப்பு அல்லது முக்கிய துணை தயாரிப்பு மென்பொருளுக்கு போட்டியாக தானும் ஒரு மென்பொருளை வடிவமைத்து வெளியிடும்.

மைக்ரோசாப்ட் நிறுவனத்தின் வருமானத்தில் பெரும் பகுதி ஆபீஸ் மென்பொருள் விற்பனையில் இருந்தே வருகிறது. இதற்க்கு போட்டியாக கூகல் டாக்ஸ் என இணையத்தில் வேலை செய்யும் ஆபீஸ் போன்ற மென்பொருளை இலவசமாகக் கொடுத்தது. இதனால் ஆத்திரமடைந்த மைக்ரோசாப்ட் பிங் ( www.Bing.com ) எனும் தேடு பொறியை உருவாக்கி 30% மக்கள் (என்னையும் சேர்த்து தான்) கூகளை விடுத்து இந்த தேடுபொறியை பயன்படுத்துமாறு செய்தது.

கடந்த வருடம் தனது ஆபீஸ் மென்பொருள் ஆப்பிள் கணினிகளில் வேலை செய்யும் வகையில் வெளியிட்டது.  ஆப்பிள் கணினி வைத்திருப்போர் பொதுவாக அனைத்து மென்பொருள்களையும் பணம் கொடுத்து வாங்கும் “ரொம்ப நல்லவர்கள்” இதனால் தன் கோட்டையில் வந்து கொரளி வித்தை காட்டி மைக்ரோசாப்ட் பணம் சம்பாரிப்பதை விரும்பாத ஆப்பிள்., முழு சந்திரமுகியாக மாறி தனது iWork எனப்படும் ஆபீஸ் மாதிரியான மென்பொருளை இணையத்தில் கூகல் டாக்ஸ் போல இலவசமாக எவரும் பயன்படுத்தலாம் என அறிவித்து மைக்ரோசாப்ட் , கூகல் என இரண்டு நிறுவனங்களின் வருமானத்திற்கும் ஒரு சிறு தடையை ஏற்படுத்தியுள்ளது.

iWork மென்பொருள் பயன்படுத்த ஆப்பிள் ஐடி தேவை. இனி அந்த ஐடி நீங்கள் ஆப்பிள் தயாரிப்புகளை பயன்படுத்தாதவராக இருந்தாலும் இனி இலவசமாக அதை உருவாக்கலாம். உங்களின் iWork கோப்புகள் iCloud மேகத் தளத்தில் சேமிக்கப்படும்.

தூர்தர்சன் அலைகற்றை வழியே இலவச இணையம் தர Microsoft திட்டம்.​

  

இந்தியாவில் இணையம் சார்ந்த மென்பொருள் சேவைகள் மற்றும் சந்தை மதிப்பு பல ட்ரில்லியன் டாலர் மதிப்பில் அதிகரிக்கும் என கணக்கிடப்பட்டுள்ளது.

இந்த மாபெரும் சந்தையில் தங்கள் சேவைகளை மக்கள் அதிகமாக பயன்படுத்தினால் வருமானம் அதிகரிக்கும் எனும் எண்ணத்தில் Facebook, Google போன்ற நிறுவனங்கள் இந்தியாவில் இணையதள பயன்பாடு அதிகரிக்க., இலவச இணைய தொடர்பு சேவையை வழங்க பல முயற்சிகள் செய்து வருகின்றன.

இணைய தொடர்பு அனைவருக்கும் அ​னைத்து இடங்களிலும் கிடைக்கும் பட்சத்தில் மக்கள் / நிறுவனங்கள் பல இணைய சேவைகளை பயன்படுத்துவார்கள் என்பது இவர்கள் கணக்கு. 

தற்போது., Microsoft நிறுவனம் புதுமையான முறையில் இலவச அல்லது மிகக் குறைந்த விலையிலான (மாதம் 140 ரூபாய்- 4mbps வேகம்) இணைய தொடர்பு சேவையை வழங்க அரசிடம் அனுமதி கேட்டுள்ளது.

தூர்தர்சன் தொலைக்காட்சி சேவை பயன்படுத்தும் அலைகற்றையில் “White Space” எனும் ஒரு பகுதி 200-300 MHz பல வருடங்களாக பயன்படுத்தப்படாமல் உள்ளது. இந்த White Space என்பது காற்றில் ஒரு தொலைக்காட்சி சேனலுக்கும் அடுத்த தொலைக்காட்சி சேனலுக்கும் ஒதுக்கப்பட்ட அலைகற்றைகளுக்கு இடையே உள்ள பயன்படுத்தக் கூடிய வெற்றிடம்.

இதை நீங்கள் ஒரு பெரிய WiFi பகுதியாக உருவகப்படுத்திக் கொள்ளலாம். சுமார் பத்து கிலோ மீட்டர் சுற்றளவில் ஒரு மாபெரும் WiFi Zone போல் இருக்கும். ஒருமுறை இதற்கான கட்டமைப்பை நிறுவிவிட்டால் போதும்.  அந்த 10 கிலோமீட்டர் சுற்றளவில் இருக்கும் அனைவருக்கும் இலவசமாக இணைய சேவை வழங்கலாம். இந்தியா முழுவதும் ஒவ்வொரு தாலுகாவிலும் இதை நிறுவும் போது , முழு இந்தியாவும் இணைய தொடர்பில் வந்துவிடும்.

இந்த மாபெரும் திட்டம் இந்திய பிரதமர் மோடியின் Digital India திட்டத்தில் Microsoftஉடன் இணைந்து செயல்படுத்த வாய்ப்புகள் உள்ளதாக செய்திகள் வெளிவருகின்றன.

ஏற்கனவே., கானா , தென் ஆப்ரிக்கா , ஐக்கிய அரசு (UK) நாடுகளில் பயன்படுத்தபட்டுள்ள இந்த சேவை, இந்தியா போன்ற மிகப் பெரிய பரப்பளவுள்ள நாட்டில் செய்து பார்ப்பது இதுவே முதல் முறை. 2018இல் நடைமுறைக்கு வரும் எனத் தெரிகிறது.

அரசு கேபிள் tv வழியே ” அம்மா இணையம் ” வருவதாக தெரிகிறது., எங்கள் ஏரியா கேபிள் அண்ணாச்சி கிட்ட நம்ம வீட்டுக்கு சீக்கிரம் குடுங்கனு சொல்லி வைச்சுருக்கேன்.

பூமி முழுவதும் பலூன் மூலம் இணைய சேவை வழங்கத் துவங்கியது கூகுல்!​

Project Loon எனும் பெயரில் பூமி முழுவதும் பறக்கும் பலூன் மூலம்  இணைய இணைப்பு தர கூகுல் ஆய்வுகள் செய்து வந்தது. தற்போது அதை நடைமுறைப் படுத்த ஆரம்பித்துள்ளது கூகுல்.

பூமி  முழுவதும் இணைப்பை ஏற்படுத்த ​எவ்வளவு பலூன் தேவை?​

​இந்த பூமி முழுவதும் தொடர்பை ஏற்படுத்த 2000 பலூன்கள் சீரான இடைவெளியில் பறக்கவிடச் செய்ய வேண்டும்.

Google Punchar Kadai for Project Loon

ஒரு பலூன் எவ்வளவு நாள் பறக்கும்?

இதுவரை சோதனை செய்ததில் 100 முதல் 130 நாட்கள் வரை பலூன்கள் பிரச்னை இல்லாமல் பறந்துள்ளது.

இதனால் விமானங்களுக்கு பிரச்னை இல்லையா?

இந்த பலூன்கள் விமானங்களும், ஓசோனும் இருப்பதற்கு மேல் stratosphere – ஸ்ட்ராடோஸ்பியர் எனும் வளி மண்டல அடுக்கில் பறக்க விடப்படும். இதனால் விமானங்களால் எந்த விபத்தும் ஏற்படாது. எரிகல், ராக்கெட் தாக்காது எனவும் சொல்லபடுகிறது.

செயலிழந்த பலூன்கள் என்னவாகும்?

அவற்றை முறையாக ஒரு குறிப்பிட்ட இடத்தில விழ வைத்து மீண்டும் எரிபொருள் நிரப்பி மேல் அனுப்ப ஏற்பாடுகள் செய்து வருகிறார்கள். இதற்க்கான காத்து அடிக்கும் புதிய கூகுல் பஞ்சர் கடைகள் பூமி முழுவதும் திறக்கப்பட உள்ளது.

தங்களால் நாள் ஒன்றுக்கு சுமார் 20 பலூன்களை அனுப்ப முடியும் என கூகள் சொல்லியுள்ளது.

எல்லாம் இணைய தொடர்புக்குத் தானா?

​ அதுதான் முக்கிய காரணம்., இனி உலக நாடுகளை பல புதிய விதத்தில் இணைக்க, உளவு பார்க்க, கட்டுபடுத்த, மறைமுகமாக இது உதவலாம். ஒவ்வொரு நாட்டின் மீதும் இது பறக்க அனுமதி வாங்க வேண்டுமா, இணைய இணைப்பு கட்டணங்கள் வசூலிப்பது என பல நடைமுறை பிரச்சனைகள் உள்ளது.

யாருக்கெல்லாம் பயன்படும் இது?

தீவுகள், மலைகள், தூர கிராமங்கள் என இணைய இணைப்பு சாத்தியம் இல்லாதவர்களுக்கு, கடலில் போகும் கப்பல்கள், விமானத்தினுள் பயணம் செய்பவர்கள் என அனைவரும் இணைய இணைப்பில் இருக்க பயன் தரும். அப்பபோ நான் “அம்மா இணையம் ” வாங்க வேணாம்னு நினைக்குறேன்.  

படங்களில் பின்னணி காட்சிகளை எளிதாக நீக்க- போட்டோசாப் 31.

சில காட்சி தேவை இல்லாததாகவும், பின்னணி இல்லாமல் இருந்தால் நன்றாக இருக்கும் என்ற எண்ணத்தை போட்டோசாப் எளிதாக செய்து கொடுக்கிறது.
படம்.1.
போட்டோசாப்பில் திறந்து கொண்டு பில்டருக்குச் செல்லுங்கள். Extract.. தேர்வு செய்ய தனி விண்டோ தோன்றும்.

படம்.2. படத்தில் காட்டியுள்ள தூரிகையை தேர்வு செய்து துண்டாக்க வேண்டிய பகுதியை ஓரப்பகுதியை வரைய வேண்டும். எனது விண்டோவில்  இளம் பச்சை நிறம் காட்டுகிறது. இது நமது தேர்வே.

படம்.3 தேர்வு செய்த பாகத்தை, அதாவது தேவையான பகுதியை வண்ணத்தினால் நிறப்ப வண்ண பக்கெட்டை தேர்வு செய்து நிறப்ப வேண்டும். பிறகு பிரிவியு சென்றால் நீக்கப்பட்ட பகுதியை தவிர்த்து தோன்றும். இத்தோற்றத்தில் ஓரத்தில் பிசிருகள் இருந்தால் குணமாக்கும் (Heal) கருவியை கொண்டு குணமாக்கலாம்.

படம்4. தேவையான வெட்டி எடுக்கப்பட்ட பகுதி. தேவையான பட பின்னணியில் சேர்த்து பாருங்கள்.